¡PELEA! é un disco recopilatorio.
As formas das manchas de sangue, as infinitas cores dos moratóns, o ballet de persoas que se atopan facendo movementos que parecían imposibles o segundo anterior. A imaxinación utilizada para facer dano, os fetiches da dor. Na saída do colexio esperábanse o mesmo as parellas para bicarse que os inimigos para baterse. Unha pelea crea un vínculo inolvidable e suave entre os que reparten golpes. Bill Ayers, un terrorista da contracultura americana, dicía que durante a primeira paliza que lle deu a policía se sentiu no paraíso: “Nunca me sentira tan libre (…) Cando tomas a túa elección de vivir por unha causa superior, emociónaste tanto que os golpes non os sintes, aínda que poidan doer”.
Unha pelea pode ser un erro, pero o cobarde é o medo a equivocarse. Vivimos nunha época temerosa da acción e da paixón. ¡PELEA! É o momento de axitarse, de atopar sentido en cortarnos e lambernos as feridas. De poñer o corpo en perigo, esta vez por algo importante.
¡PELEA! é un festival que existirá o 2 e 3 de xaneiro en Ourense con estes artistas e máis.
Máis info e entradas:
www.facebook.com/peleapelea
released January 2, 2015
-------------------------------------------------------------------------------------------
MONSTRUO nunca conseguen o que se propoñen e teñen a potencia caótica de quen dá cabezazos contra a parede.
monstruo.bandcamp.com
-------------------------------------------------------------------------------------------
ARIES fai música con todas as cores que collen na cabeza. Chega máis lonxe que a percepción e dá ganas de cantar cada vez máis alto.
aries.bandcamp.com
-------------------------------------------------------------------------------------------
AVECREM son toda a enerxía do mundo concentrada en sinfonías tropicais de minuto e medio.
discosporno.bandcamp.com/album/avecrem-eibicreimah-ipi
-------------------------------------------------------------------------------------------
DJALMINHA gañoulle ao Real Madrid el só e agora traduciu aquela lambreta en ritmos e riffs.
djalminha.bandcamp.com
-------------------------------------------------------------------------------------------
UZUMAKI son o movemento imparable da época cara adiante chocando co último romanticismo.
discosporno.bandcamp.com/album/split-uzumaki-terremoto-s
-------------------------------------------------------------------------------------------
CUCHILLO DE FUEGO teñen o auténtico poder real e transforman calquera espazo nun gran burato negro no que desaparecer.
cuchillodefuego.bandcamp.com
-------------------------------------------------------------------------------------------
PUMA PUMKU controlan o espazo e o tempo. Cóllente, levántante do chan e ás veces déixanche baixar.
pumapumku.bandcamp.com
-------------------------------------------------------------------------------------------
MATAR GENTE son debuxos do cosmos en capas de son que se superpoñen suavemente.
matargente.bandcamp.com
-------------------------------------------------------------------------------------------